BiblioteketSkulebiblioteket er meir enn berre bøker. Det er ein møteplass for kunnskap og danning, kreativitet og fellesskap i hjarte av skulen.Her kan du få hjelp til skulearbeid, låna ei bok du har lyst til å lesa, vera med på aktivitetar biblioteket arrangerer, eller finna litt ro i ein hektisk kvardag. Biblioteket har eit godt utval av fagbøker, skjønnlitteratur, avisar, tidsskrift og digitale hjelpemiddel. Bibliotekarene Line og Christian hjelper deg med å finna den informasjonen du treng. Velkommen til biblioteket!Bokfjes Sam Eyde vgs. Opningstidene til biblioteket er måndag - fredag frå kl. 08.00 til kl. 15.30.Tlf: 38 61 80 22Send e-post til biblioteketLånetida er normalt 4 veker, med nokre få unntak.Dersom lånt materiale ikkje blir levert etter gjentekne purringar må det erstattast.Søk i skulebibliotekets bokbase Gratis utlån av skulebøkerAlle elevar i vidaregåande skule får låne skulebøker og andre læremiddel gratis. Desse blir lånte ut frå skulebiblioteket ved skulestart og leverte tilbake ved slutten av skuleåret.Utlån av skulebøker Aktuelle lenkerBiblioteksøkBiblioteksøk skal gi ein inngang til norske bibliotekkatalogar, høve til å låna litteratur og filmar frå alle norske bibliotek, og gi direkte tilgang på nett til litteratur som er digitalisert i Nasjonalbiblioteket. Alle kan nytta Biblioteksøk til søking. Lånarar med Nasjonalt lånekort som nyttar hentebibliotek som er knytt til Biblioteksøk, kan også bruka tenesta til å bestilla bøker. Dersom du treng Nasjonalt lånekort, kan du få det på skulebiblioteket, eller bestilla eit digitalt lånerkort. Biblioteksøk BookBitesAppen BookBites gir deg gratis tilgang til eit stort utval av e-bøker og lydbøker som du kan lesa/høyra på mobilen eller nettbrettet. Du kan logga deg på med Feide, eller Nasjonalt lånekort. Søk etter BookBites der du lastar ned appar til eininga di. FilmbibAlle med nasjonalt lånekort på norske bibliotek kan sjå kort- og dokumentarfilm gratis gjennom strøymetenesta Filmbib. Du loggar deg inn med lånenummer og PIN-kode. Dersom du ikkje har nasjonalt lånekort, kan du få det på skulebiblioteket, eller bestilla eit digitalt lånekort. Alle filmane du finn hos Filmbib er kjøpt inn gjennom den nasjonale innkjøpsordninga for film. Ordninga blir administrert av Norsk filminstitutt på oppdrag frå Kulturdepartementet og er oppretta for å bidra til breidd og kvalitet i filmtilbodet, for vaksne og barn, og stimulera filmkulturen i Noreg. Filmbib KildekompassetKildekompasset er eit samarbeid mellom fleire universitet, og gir deg ei oversikt over både referansestilar og korleis du skal vera kjeldekritisk til ulike kjeldetypar. Kildekompasset Leser søker bok - BoksøkDet er mange grunnar til at bøker kan vera tunge å lesa. Boksøk frå "Leser søkjer bok" finn boka som passar deg. Boksøk er ei kvalitetssikra søkjeteneste med bøker som på ulike måtar passar for alle som slit litt med lesing. Her finn du bøker for barn, ungdom og vaksne, både skjønnlitteratur, faktabøker og teikneseriar. Boksøk PressreaderPressReader gir deg tilgang til digitale utgåver av tusenvis av aviser og tidsskrift frå meir enn 150 land, på meir enn 60 språk.Me har tilgang via hotspot på skulen, så om ein går inn på nettstaden på PC-en sin eller opnar appen PressReader på mobilen sin/nettbrett medan ein er på skulen, vil ein ha tilgang på eininga ein har brukt i 72 timar, uavhengig av kvar ein er.PressReaderSkulebibliotekets bokbaseBokbasen til skulebiblioteket er tilgjengeleg på nett.Skulens bokbaseVerdensbiblioteketI Verdensbiblioteket finn du e-bøker og lydbøker på andre språk enn norsk. Opprett ein konto med e-postadressa di, og logg inn for å lesa og lytta. Målet med Verdensbiblioteket er å fremja lesing og kunnskap, så alle kan delta i samfunnet på eigne vilkår. Alle menneske har rett til at deira språk og kulturelle identitet blir anerkjend og verdsett. Verdensbiblioteket