Biblioteksøk skal gi ein inngang til norske bibliotekkatalogar, høve til å låna litteratur og filmar frå alle norske bibliotek, og gi direkte tilgang på nett til litteratur som er digitalisert i Nasjonalbiblioteket.

Alle kan nytta Biblioteksøk til søking. Lånarar med Nasjonalt lånekort som nyttar hentebibliotek som er knytt til Biblioteksøk, kan også bruka tenesta til å bestilla bøker.

Dersom du treng Nasjonalt lånekort, kan du få det på skulebiblioteket, eller bestilla eit digitalt lånerkort.

Biblioteksøk

Appen BookBites gir deg gratis tilgang til eit stort utval av e-bøker og lydbøker som du kan lesa/høyra på mobilen eller nettbrettet. Du kan logga deg på med Feide, eller Nasjonalt lånekort.

Søk etter BookBites der du lastar ned appar til eininga di.

Alle med nasjonalt lånekort på norske bibliotek kan sjå kort- og dokumentarfilm gratis gjennom strøymetenesta Filmbib. Du loggar deg inn med lånenummer og PIN-kode. Dersom du ikkje har nasjonalt lånekort, kan du få det på skulebiblioteket, eller bestilla eit digitalt lånekort. 

Alle filmane du finn hos Filmbib er kjøpt inn gjennom den nasjonale innkjøpsordninga for film. Ordninga blir administrert av Norsk filminstitutt på oppdrag frå Kulturdepartementet og er oppretta for å bidra til breidd og kvalitet i filmtilbodet, for vaksne og barn, og stimulera filmkulturen i Noreg.

Filmbib

Hos Flipp kan ein lesa over 90 kjende vekeblad og magasin i éin app/nettside. Flipp er ei digital teneste frå Egmont Storyhouse AS. Den gir tilgang til populære vekeblad på norsk, svensk og dansk.

Første gong ein bruker tenesta, må ein vera på nettet til skulen. Ein må oppretta ein brukar med sitt eige mobilnummer og eit valfritt passord. Når ein har logga inn, har ein tilgang i 7 dagar, før ein igjen må logga på medan ein er på nettet til skulen.

Flipp.no

Idunn er Universitetsforlagets digitale plattform for fag- og forskingstidsskrift og ope tilgjengelege (open access) forskingsbøker. Her kan du søkja og lesa i over 40 000 kvalitetssikra tidsskriftartiklar og bokkapittel innanfor ei rekkje fagområde. Nye artiklar, utgåver, tidsskrift og bøker blir løpande lagt til.

Tilsette og elevar har tilgang til Idunn medan ein er på nettet til skulen.

Idunn.no

Det skal stå "Tilgang gitt av Agder fylke VGS" oppe i høgre hjørne.

Kildekompasset er eit samarbeid mellom fleire universitet, og gir deg ei oversikt over både referansestilar og korleis du skal vera kjeldekritisk til ulike kjeldetypar.

Kildekompasset

Det er mange grunnar til at bøker kan vera tunge å lesa. Boksøk frå "Leser søkjer bok" finn boka som passar deg. Boksøk er ei kvalitetssikra søkjeteneste med bøker som på ulike måtar passar for alle som slit litt med lesing. Her finn du bøker for barn, ungdom og vaksne, både skjønnlitteratur, faktabøker og teikneseriar.

Boksøk

PressReader gir deg tilgang til digitale utgåver av meir enn 7000 aviser og tidsskrift frå meir enn 150 land, på meir enn 60 språk.

Me har tilgang via hotspot på skulen, så om ein går inn på nettstaden på PC-en sin eller opnar appen PressReader på mobilen sin/nettbrett medan ein er på skulen, vil ein ha tilgang på eininga ein har brukt i 72 timar, uavhengig av kvar ein er.

PressReader

Bokbasen til skulebiblioteket er tilgjengeleg på nett.

Skulens bokbase

I Verdensbiblioteket finn du e-bøker og lydbøker på andre språk enn norsk. Opprett ein konto med e-postadressa di, og logg inn for å lesa og lytta.

Målet med Verdensbiblioteket er å fremja lesing og kunnskap, så alle kan delta i samfunnet på eigne vilkår. Alle menneske har rett til at deira språk og kulturelle identitet blir anerkjend og verdsett.

Verdensbiblioteket